Kaliwa’t kanan ang inaabot na batikos ni Senate President Francis “Chiz” Escudero dahil sa diumano’y kawalan ng aksiyon nito sa impeachment complaint laban kay Vice President Sara Duterte.
“Escudero let Imee travel with Sara last week to The Hague to visit the latter’s detained father, ex-president Rody Duterte. Where else except the Philippines will you see a judge globetrotting with the accused that she’s to try,” pahayag ng kolumnistang si Jarius Bondoc.
Kabilang ang beteranong kolumnista na si Jarius Bondoc ng Philippine Star ang pumapalag sa ilang ulit na pagpapaliban ng reading of Articles of Impeachment sa Senado dahil sa umano’y pagmamatigas ni Escudero.
“All this is due to Senate President Chiz Escudero’s double speak,” sabi ni Bondoc sa kanyang column sa Philippine Star ngayong Miyerkules, Hunyo 4.
Aniya, binalewala rin diumano ni Escudero ang mga paglilinaw ng mga beteranong senador na mas may malalim na kaalaman tungkol sa impeachment hearings.
Sinabi pa ni Bondoc na minaliit din ni Sen. Chiz ang mga pahayag ng mga nagbalangkas ng 1987 Constitution tulad nina Christian Monsod, Adolfo Azcuna, at Rene Sarmiento na nagsabing ang salitang “forthwith” ay nangangahulugang “agad-agad.”
Mas pinanigan, aniya, ni Escudero ang opinyon ng mga pro-Sara senators tulad nina Robin Padilla, Jinggoy Estrada, Imee Marcos, Bato dela Rosa, at ang bagong halal na si Rodante Marcoleta.