Kumalas na ang beauty queen at ngayo’y kumakandidatong konsehal na si Shamcey Supsup-Lee sa Team Kaya This ni Pasig mayoralty candidate Sarah Discaya nitong Lunes, Abril 7.
“I choose to stand firmly by the values I’ve upheld throughout my life: dignity, respect, accountability, and women empowerment,” saad ni Pasig councilor candidate Shamcey Supsup sa isang Facebook post.
Sa hiwalay na post, una nang sinabi ni Shamcey na kinausap niya si Team Kaya This congressional candidate Atty. Ian Sia matapos ang viral na ‘siping’ joke nito sa mga single mother.
Matatandaang humingi ng paumanhin sa publiko si Sia, ngunit isinisi ang netizen na nag-upload ng video dahil putol umano ang in-upload nito.
Ulat ni Bea Tanierla