Binatikos ng mga netizen ang aktres at Pasig City 2nd District councilor candidate na si Ara Mina matapos niyang tumawa sa insensitibong biro ng kanyang ka-partido na si Congressional aspirant Atty. Christian Sia tungkol sa mga solo parent sa ginanap na caucus nitong Miyerkules, Abril 2.
“Tumawa pa (n)ga si Ara Mina. Kadiri talaga tong partido ng kalaban ni Mayor Vico. Juicecolored, sige iboto niyo mga yan… lalo na yung candidate nila for mayor, pamilya ng mga palpak,” komento ng isang netizen.
“Para sa mga solo parent ng Pasig. Minsan sa isang taon, ang mga solo parent na babae na nireregla pa at nalulungkot… puwedeng sumiping ho sa akin. ‘Yun pong interesado magpalista na po sa mesa dito sa gilid,” saad ni Atty. Sia.
Maririnig sa kumalat na video ang pagtawa ni Ara Mina sa sinabi ni Sia na naging dahilan para ulanin siya ng pambabatikos.
Ulat ni Ansherina Baes