Inanunsiyo ng Embahada ng Amerika sa Maynila nitong Sabado, Marso 22, na darating si US Defense Secretary Pete Hegseth sa Pilipinas ngayong linggo upang palakasin ang security cooperation sa pagitan ng dalawang bansa.
“He will travel to the Philippines to advance security objectives with Philippine leaders and meet with US and Philippine forces,” ayon sa statement ng US Embassy sa Maynila.
Plano rin ni Hegseth na makipagpulong sa mga opisyal at tauhan ng Armed Forces of the Philippines (AFP) at US na nakabase sa bansa sa kanyang pagdating sa bansa.
Nakatakda ring bumisita si Hegseth sa Hawaii, Guam, at Japan sa mga susunod na araw, ayon sa statement ng US Department of Defense.
“These engagements will drive ongoing efforts to strengthen our alliances and partnerships toward our shared vision for a free and open Indo-Pacific,” sabi ng kagawaran.
Ito ang unang pagkakataon na mabibisita ni Hegseth ang mga military leaders ng US Indo-Pacific Command at mga civilian officials na nakabase sa Hawaii.