Pormal nang sinampahan ng Quezon City Police District (QCPD) ng kasong inciting to sedition at paglabag sa Cybercrime Prevention Act of 2012 si Pat. Francis Steve Tallion Fontillas dahil sa pagbatikos niya sa social media sa pag-aresto kay dating Pangulong Rodrigo Roa Duterte ng International Criminal Court (ICC).
“The Quezon City Police District (QCPD) has formally filed a complaint against Patrolman Francis Steve Tallion Fontillas for violating Article 142 (Inciting to Sedition) of the Revised Penal Code, in relation to Republic Act No. 10175 (Cybercrime Prevention Act of 2012) before the Quezon City Prosecutor’s Office. This action stems from his social media posts following reports of former President Rodrigo Roa Duterte’s arrest,” sabi ng QCPD.
Si Fontillas ay dating miyembro ng QCPD na nag-post ng mga komento sa kanyang hindi pagsang-ayon sa ginawang pag-aresto ng mga tauhan ng Philippine National Police (PNP) at International Criminal Police Organization (Interpol) kay Duterte noong Marso 11 base sa arrest warrant na inisyu ng ICC.
“Yes, it’s true. I RESPECT the organization but I don’t follow the chain of command. I only FOLLOW the chain of LAWFUL command and NON-PARTISAN responsibility. Because, I say it again for the nth time, I only STAND with what is LAWFUL and RIGHT,” ayon sa post ni Fontillas nitong Marso 16.
Ito ay sa kabila ng mahigpit na tagubilin ni PNP chief Gen. Rommel Francisco Marbil sa mga pulis na huwag makisawsaw sa mga usaping pulitika upang hindi maapektuhan ang kanilang sinumpaang tungkulin sa mga mamamayan.
“Inciting to sedition daw yung ginawa ko? Sige, file the case now. Sa korte na lang tayo magkaalaman. Pakiusap lang po, wala akong budget para sa abogado. Tsaka abogado lang ang papayamanin natin sa kaso-kaso na yan. Hahaha. Kaya kung pwede, ako na lang ang tatayong abogado sa sarili ko,” hirit naman ni Fontillas kahapon, Marso 19.