Inihayag ni Bureau of Immigrations (BI) commissioner Joel Anthony Viado sa hearing ng Senate Committee on Justice and Human Rights ngayong Martes, Marso 18, na maaaring dumaan si dating presidential spokesperson Atty. Harry Roque sa parehong ruta na ginamit ni dismissed Bamban, Tarlac Mayor Alice Guo o Guo Hua Ping paalis ng Pilipinas.
Ito ay dahil wala umanong recorded departure ang dating presidential spokesperson sa ahensya.
Ayon kay Viado, huling nakita si Roque sa Tawi-Tawi noong Setyembre 2, 2024, alas-9:30 ng umaga at kinumpirma umano ni Philippine Ambassador to the United Arab Emirates (UAE) Alfonso Ferdinand A. Ver na nakarating si Roque sa United Arab Emirates (UAE) sa sumunod na araw, Setyembre 4.
Ulat ni Ansherina Baes