Ibinunyag ni Philippine National Police (PNP) Criminal Investigation and Detection Group (CIDG) director Maj. Gen. Nicolas Torre III nitong Huwebes, Marso 13, na pinagbantaan siya umano ni dating Pangulong Rodrigo Duterte nang arestuhin nila ito.
“Mismong si President Duterte ni-remind niya ako na magre-retire ako at aasuntuhin ako ng kaniyang mga anak, mga kamag-anak after my retirement, even before my retirement. Thinreaten niya ‘ko,” saad ni Torre.
Aniya, sinabi sa kanya ng dating Pangulo na “aasuntuhin” siya ng mga anak at mga kamag-anak ng dating pangulo bago pa man siya umano mag-retire bilang pulis.
Pisikal at berbal din umanong inatake ng asawa ni Duterte na si Honeylet Avanceña at anak nila na si Kitty Duterte si Torre habang isinasagawa ang pag-aresto kay Duterte sa bisa ng warrant of arrest mula sa International Criminal Court (ICC).
“Everything is okay. Makapal ang ating balat at ‘yan ay kayang-kaya nating palampasin ‘yan,” saad niya.
Ulat ni Ansherina Baes