Inihayag ni Manila 3rd District Rep. Joel R. Chua sa press conference ng House of Representatives ngayong Lunes, Marso 10, na malakas at matibay umano ang ebidensya laban kay Vice President Sara Duterte sa pagkasangkot nito sa extrajudicial killings (EJK).
“So far as we are concerned, meron pong testimonial evidence na si Lasacañas. So may direct evidence na nagpapatotoo nito,” saad ni Chua.
Aniya, nakasaad sa Article 5 ng Articles of Impeachment na sangkot siya sa EJK na nagsimula noong alkalde pa umano ng Davao City ang ama ng Vice President na si dating Pangulong Rodrigo Duterte.
Idinagdag pa ni Chua na kabilang si Arturo Lascañas, self-proclaimed Davao Death Squad member, sa mga ebidensya na gagamitin nila laban sa Vice President.
“Kaya po kung tatanungin nito kung gano kalakas, dahil may testimonial evidence, masasabi ko po na matibay at malakas po (ang ebidensya laban kay VP Sara),” saad niya.
Ulat ni Ansherina Baes