Naghain ng libel case ang mga vloggers laban kay Surigao del Norte Rep. Robert Ace Barbers sa opisina ng prosecutor sa Quezon City nitong Miyerkules, Marso 5.
“Some of our social media can be monetized, but there are dangers to be removed because of (the allegations) of fake news,” saad ni Trixie Cruz-Angeles, isa sa mga vloggers na nagreklamo.
Ito ay matapos niyang atasan ang National Bureau of Investigation (NBI) na imbestigahan ang posibleng koneksyon ng mga vloggers sa illegal na droga at Philippine offshore gaming operators (POGOs).
Ayon kay Cruz-Angeles, isa sa mga vloggers na nagreklamo, nakaranas sila ng “sleepless nights and fear among family members” dahil naging akusasyon sa kanila ni Barbers kung saan tinawag niya silang “narco vloggers” sa kanyang liham.
Kabilang sa mga nagreklamo sina Lorraine Badoy, Krizette Chu, Cathy Binag, Joie De Vivre, MJ Quiambao Reyes at Mark Anthony Lopez.
Ulat ni Ansherina Baes