Ikinagalak ni Senate President Francis “Chiz” Escudero ang alok ni Senate Minority Leader Aquilino “Koko” Pimentel III na tulong sa pagbalangkas ng revised impeachment rules para sa gaganaping paglilitis kay Vice President Sara Duterte.
“I welcome and thank Sen. Pimentel’s offer to help draft the proposed rules. I will instruct the legal team to coordinate with him on this matter,” sabi ni Escudero.
Ito ay matapos irekomenda ni Senate Majority Leader Francis “Tol” Tolentino ang pagbubuo ng special subcommittee habang naghahanda ang Senado sa pag-convene ng impeachment kung saan sila ay aaktong mga huwes sa proseso ng paglilitis.
“Again, all of these (rules, calendar, etc.) are simply proposals that will have to be approved in plenary and/or by the Impeachment Court once we resume and/or convene,” giit ni Sen. Chiz.
Nitong nakaraang linggo, nagpahayag ng kahandaan si Sen. Koko na tumulong sa special subcommittee para sa maayos na pagsasagawa ng impeachment trial.
Base sa timeframe na ipinanukala ni Escudero, ipiprisinta ang Articles of Impeachment sa plenaryo sa pagbubukas ng sesyon ng 19th Congress habang ang paglilitis ay sisimulan sa Hulyo 30 sa pagsisimula ng 20th Congress.