Inihayag ni Ako Bicol Rep. Raul Angelo “Jil” D. Bongalon sa ginanap na online press conference nitong Huwebes, Pebrero 27, na hindi umano makakaapekto ang resulta ng surveys sa preparasyon ng House prosecutors sa impeachment trial laban kay Vice President Sara Duterte.
“For me, wala po siyang epekto dahil ang aming concentration, ang aming focus is with the preparation in the impending impeachment trial,” saad ni Bongalon.
Ito ay matapos tanungin sa naturang press conference kung kasama sa preparations ang pagtingin sa mga resulta ng survey para sa possible winners ng senatorial election dahil karamihan dito ay “sympathetic” umano kay VP Sara.
Ayon naman kay Bongalon, ang taumbayan naman ang magde-desisyon kung sino ang susuportahan at pipiliing magiging senador sa darating na May 12 midterm elections kaya magpo-pokus na lamang sila sa impeachment trial.
“Wala na kaming control dun. So, with that, regardless of the election survey, we will just focus and concentrate our time and efforts in preparation for this impeachment trial,” aniya.
Ulat ni Ansherina Baes