Inihayag ni Senate President Chiz Escudero sa ginanap na press conference sa Sorsogon nitong Martes, Pebrero 25, na wala umanong dahilan si Vice President Sara Duterte na matakot kung siya ay talagang inosente.
“If she’s innocent, she has nothing to fear. The Senate and House of Representatives are simply doing their jobs, ensuring accountability,” saad ni Escudero.
Aniya, ginagawa lamang ng Senado at Kamara de Representantes ang kanilang mga trabaho upang itaguyod ang accountability o pananagutan ng mga opisyal ng gobyerno.
Itinanggi din ni Escudero sa naturang press conference na mayroon foreign influence, partikular mula sa United States, sa likod ng impeachment case at sinabing wala umano itong credible evidence para suportahan ang naturang alegasyon.
Samantala, hiningan ng Korte Suprema ang Kamara, Senado, at si House Secretary General Reginald Velasco na magsumite sa loob ng 10 araw ng komento tungkol sa petition for prohibition na inihain ni VP Sara kahapon.
Ulat ni Ansherina Baes