“Kung mapapansin ninyo, ang pag-uusapan natin ngayon ay mga numero, SALN, tax records from the BIR, and reports from the AMLC. This is the part where the numbers have to be studied, compared, and analyzed,” saad ni House Committee on Justice chairperson Gerville Luistro.
Inihayag ni House Committee on Justice chairperson at Batangas 2nd District Rep. Gerville Luistro na ang tatalakayin sa ikatlong impeachment hearing ng komite ngayong Miyerkules, Abril 22, ay puro tungkol sa mga numero o rekord kaugnay sa alegasyon ng diumano’y unexplained wealth ni Vice President Sara Duterte.
“Today, we expect further evidence, from the Office of the Ombudsman, from the BIR, from the SEC, and especially from the AMLC,” saad ni Luistro sa pagsisimula ng pagdinig ng komite.
Ayon kay Luistro, hindi na umano tungkol sa mga naratibo o opinyon ang tatalakayin ng komite sa pagdinig, “because when we speak of numbers… we are confronting cold, unyielding facts… Hindi ito napapakiusapan. Hindi ito natatakot… A number either matches, or it does not.”
Dagdag ng kongresista, kapag pinagsama-sama ang mga rekord mula sa statement of assets, liabilities, and net worth (SALN), Bureau of Internal Revenue (BIR), at Anti-Money Laundering Council (AMLC): “They begin to tell a story no press conference can rewrite, no diversion can erase.”
Ulat ni Jilliane Libunao