Inihayag ni Acting Department of Justice (DOJ) Secretary Fredderick Vida sa press briefing ng ahensya noong Martes, Nobyembre 25, na kasalukuyang naka-leave si DOJ Undersecretary Jojo Cadiz.
“Usec. Cadiz remains to be one of the undersecretaries of the department, he is on leave,” saad ni Vida.
Hindi rin umano nabigyan ng direktiba si Cadiz mula kay dating Justice Secretary Jesus Crispin “Boying” Remulla na makipanayam sa mga indibidwal kaugnay sa imbestigasyon ng DOJ sa multi-bilyong pisong flood control scam, ayon kay Vida.
Kaugnay sa mga isiniwalat ni dating Ako Bicol Rep. Zaldy Co kung saan nabanggit si Cadiz, nilinaw ni Vida na walang hurisdiksyon umano ang DOJ sa kanya.
“Ang taga-usig at nagpapanagot sa mga lingkod-bayan… may pananagutang-kriminal, ang taga-usig ay Ombudsman,” aniya pa.
Ulat ni Jilliane Libunao