Kinumpirma ni Senate President Pro Tempore Panfilo “Ping” Lacson ang umano’y P355 milyong insertion ni Sen. Jinggoy Estrada, sa pagpapatuloy ng pagdinig ng Senate Blue Ribbon Committee nitong Huwebes, Setyembre 18.
“Itong ano–in relation to the P355 million na sinasabi mo kay Senator Estrada, na-confirm naman na ‘yun na talagang as described, nakita namin sa GAA, na eksaktong 355, seven projects,” sinabi ni Lacson.
Matatandaang idinawit ni dating DPWH Bulacan 1st District assistant engineer Brice Hernandez si Estrada sa mga maanomalyang flood control projects, kung saan isiniwalat niya na: “Si Senator Jinggoy po ay nagbaba ng P355 milyon ngayong 2025 sa mga ilang projects sa Bulacan.”
Sa press conference noong Setyembre 11, kinumpirma rin ni Lacson na mayroong P355 milyong insertion sa 2025 national budget para umano sa Bulacan.
“Meron talagang insertion, na wala sa House version, pero lumabas ito sa… after bicam,” ani Lacson.
Ulat ni Jilliane Libunao