Ibinahagi ni maritime security expert at SeaLight founder Ray Powell nitong Huwebes, Agosto 21, na umalis ang Chinese research ship na Xiang Yang Hong 10 mula sa Scarborough Shoal.
“It’s hard to say why it left since I don’t really know why it was there in the first place. But the drone mothership is still there,” saad ni Powell, founder ng maritime tracker SeaLight.
Ngunit, nananatili umano ang mothership nito na Zhu Hai Yun sa lugar at tila wala pang balak na umalis.
Sinabi naman ni Powell na nasa layong 100 nautical miles na ang Xiang Yang Hong 10 ngunit tila hindi umano ito pabalik ng China.
Namataan ang dalawang barko ng China sa Scarborough matapos ang banggaan sa pagitan ng People’s Liberation Army-Navy warship at China Coast Guard (CCG) vessel na kumikilos sa isang “parallel sweep” track.
Ulat ni Ansherina Baes