Nanguna si Vice President Sara Duterte sa isinagawang pre-election presidential preferential survey ng Tangere sa buong bansa mula nitong Mayo 20-21 para sa 2028 presidential elections at sinundan ni dating Vice President Leni Robredo.
Sa naturang survey ng Tangere, nakakuha si VP Sara ng 29 na porsyentong voter preference dahil sa malakas na suporta sa kanya ng mga taga-Davao at Northern Mindanao.
Nakakuha naman si dating Vice President Leni Robredo ng 21 porsyentong voter preference partikular mula sa Metro Manila at Bicol Region.
Sinundan naman sila ni Senator-elect Christopher Lawrence “Bong” Go na mayroong 15 porsyentong voter preference; Senator Raffy Tulfo na may 11 porsyento; at House Speaker Martin Romualdez na may anim na porsyento dahil sa suporta sa kanya ng mga taga-Eastern Visayas at Northern Luzon.
Isinagawa ang naturang survey sa buong bansa para sa presidential elections na gaganapin sa 2028.
Ulat ni Ansherina Baes